Ascolta questo articolo in podcast su Spotify.
Scrivi «ladino» dentro “Trova in questo show” per ascoltare tutti gli altri podcast nelle parlate bellunesi.
Ritorno sulla notizia relativa alla «Crosc del Todesco» nella zona di ‘Sumeles, alla quale si è aggiunto un altro piccolo particolare, che ne conferma la storia e la paternità.
Ai prime de luio, su sun sta pajina l é stà scrito de na crosc, una de cheres che ciaton su pa ra crodes, inze i bosche e i prade de Anpezo: ra crosc che anes indrio aee sentù ciamà «del Todesco».
Pi de un l à lieto ra storia, e poco dapò ei ciapà na telefonada e na fotografia propio da chel òn che el m aea contà de aé betù su el ra crosc noa, sun na pianta agnoche moe l troi che l mena su in Forzela ‘Sumèles.
Siro Zardini Sgnèco da Gnoche, 93 ane conpide e na memoria da no crede, el m à mandà ra fotografia che l à in ciasa, da agnoche se vede che ra crosc el r à fata e tacada su el intor el 2000, co ra sò femena e l sò amigo Joani Gaspari Leon da Ciamulera. De chi tre l é restà ancora Siro, che l à abù acaro me dì de aé vorù bete ra crosc par fei un voto. Dapò el m à damandà se see stà ancora su a vede un outro laoro fato da el, senpre par voto: el «Sant Antone de Son Pousses», ra statua del Santo da Padova betuda inze, con pede un fior, inze un landro sote un sasson sul troi che da ra strada de Ra Stua el mena su in Son Pousses.
El «Sant Antone» me l aea fato vede pa ra prima ota ‘sà trenta e passa ane un amigo: in aee alolo scrito su par na gaseta, ma Siro el s aea nafré inonbrià, parceche el no vorea che se vienisse a saé agnoche l ea ra statua e ci che r aea betuda su. Oramai l aee scrito, e un dì che s on ciatà inze jeja s on scusà un co l outro e ei podù seguità a scrie de chel seign de ra nostra deozion che l é lassù.
A Siro i ei contà che l é un toco che no vado su in Son Pousses (i anes i core par dute!) e no sei cemodo che el staghe ancuoi el «Sant Antone»: del 2011 l ea senpre inze l sò landro, ben tienù e con outre fiore pede, anche se na tacia de varnisc su sul sasson ra segna agnoche l é, e mangare calche sturlon el podarae anche i fei del mal.
Ei abù acaro de aé sentù chel regolier, che l à lascià doi biei segnes de fede su pa ra nostra crodes, e i digo «gramarzé ben!»
Nesto Coleto
Tutti i testi di Ladino e dintorni
Seguici anche su Instagram:
https://www.instagram.com/amicodelpopolo.it/
