-

Ladino e dintorni ↗

L é oujorà via oramai cuatro mesc

Ascolta questo articolo in podcast su Spotify.
Gli altri articoli di “Ladino e dintorni”

Raccogliere e stampare gli articoli di storia locale redatti in tanti anni da Franco Gaspari Moròto per il notiziario delle Regole d’Ampezzo: una proposta lanciata dal suo amico prof. Mauro Gaspari de Tano.

L é oujorà via oramai cuatro mesc da canche ra Zima Granda de Laaredo ra s à tolesc Franco Moròto, guida co ra pascion de scrie stories de Anpezo, de ra nostra crodes e de ra nostra ‘sente, che da anes el s inderetaa de cultura anpezana. Loutradì un amigo de Franco, che l é del sò tenpo e l stà fora del paes da un gran toco, Mauro Gaspari de Tano, el m à proposto na bela pensada.

Asà che Franco el scriea da un grun de anes par el boletin de ra Regoles, e inze dute i numere el ciataa algo de noo, se podarae sturtà su dute, o anche ra pi parte, dei articole che saon usade a ciatà ogni doi mesc su ra pajines de «Ciasa de ra Regoles», par aé na bela «antologia» noa de scrite e studie su ra storia, ra cultura, ra crodes anpezanes. A Franco Moròto, conpain che a sa pare Evaldo che l s intendea de nafré de duto, i saea bel sciassignà fora libre, cartes e fotografies par ciatà senpre algo de noo da contà: fate del Oto- e del Noezento, ‘sente che r à fato algo in Anpezo o par Anpezo, stories de guera, site poco conosciude, e tropo de outro.

Me par che chesta pensada, se ra podesse deentà un outro bel libro, sarae un bel don da i fei a Franco, che a ra nostra comunità el in à fato tante. El sò amigo Mauro, che propio st istade passada l aarae vorù ‘sì su con el su ra Zima Granda de Laaredo, el disc che sarae bon podé tienì su ra memoria de sto anpezan, che de trope recordon vorentiera.

Se se ‘sìsse adora a bete aduna na racolta dei sò scrite, cemodo che aon fato del 2012 con chi de Luciano Cancider bonanima, ei beleche dito che vorarae dà na man par i regorà e curà fora ra fotografies. Mangare ades e par i mesc che vienarà no n é l momento, con duto chel gasèr che me portarà ra Olinpiades; ma dapò, canche se podarà tornà nafré intrà de nosoutre, me piajarae ‘sontà un outra bela tessera al mosaico de ra cultura anpezana.

Credo che anche Franco el sarae contento!
Nesto Coleto

L’articolo è pubblicato nell’edizione cartacea dell’Amico del Popolo n. 4 del 22 gennaio 2026, in distribuzione questa settimana (su abbonamento, in edizione digitale e in edicola).